Klinaku për pensionet e veteranëve: Nëse nuk marrin vesh, kërkohet dorëheqja e qeverisë

23:54 | 29 Qershor 2022
Gita

Ushtruesi i detyrës së kryetarit të OVL-së së UÇK-së, Faton Klinaku, thotë se nëse nuk do të ketë pajtueshmëri me qeverinë rreth kërkesës që pagesa për veteranët të rritet krahas pagës minimale, do kërkohet dorëheqja e Qeverisë së Kosovës.

Sipas tij, kërkesat për dorëheqjen e një ministri do të ishin amnisti për kryeministrin Albin Kurti.

“Nëse nuk marrin vesh, kërkohet dorëheqja e qeverisë, e jo vetëm e një ministri.Po ashtu, sa i përket se a ka kthyer përgjigje qeveria rreth Ligjit për Veteranët që lidhet me pagën minimale, jemi deklaruar atë ditë për media pas takimit që kishim me ta e qëndrimi ynë nuk lëkundet: ‘Kjo nuk është çështje ofertash por çështje ligjore. Ata thërrasin seancë, ne thërrasim protestë”, ka shkruar Klinaku në Facebook./arbresh.info/